Հոկտեմբերի 3-ից 9-ն ԱԻՆ ՓԾ ճգնաժամային կառավարման ազգային կենտրոնում գրանցվել է 589 դեպք, որից 276-ը արտակարգ, այդ թվում՝ 185 հրդեհի, 1 փլուզման, 7 ինքնասպանության փորձի դեպք, 63 ճանապարհատրանսպորտային պատահար, ինչպես նաև՝ 172 կենցաղային կանչ. տուժել է 112 մարդ։ Այս մասին հայտնում է արտակարգ իրավիճակների նախարարությունը։
Ըստ ԱԻՆ-ի՝ շաբաթվա ընթացքում ընդհանուր գրանցվել է 13 մահ: Արձանագրվել է թունավորման 8 դեպք: Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 8 դեպք: Փրկարարներն օգնություն են ցուցաբերել 13 քաղաքացու և անվտանգ տարածք տեղափոխել ավտոճանապարհներին արգելափակված 15 տրանսպորտային միջոց:
Համեմատելով նախորդ շաբաթվա տվյալների հետ, կարելի է արձանագրել, որ թեև կենցաղային կանչերն ավելի քիչ են, սակայն այս շաբաթվա ընթացքում ավելացել են և՛ մահերը․ և՛ տուժաների թիվը, և՛ ճանապարհատրանսպորտային պատահարները։
Օ․Պ․