Բարձրագույն դատական խորհրդի նախագահի լիազորությունները կատարող Գագիկ Ջհանգիրյանը հոսպիտալացվել է:
ԲԴԽ մամուլի խոսնակ Լիլիթ Շաբոյանը «Հայկական ժամանակ»-ի հետ զրույցում հաստատել է, որ Ջհանգիրյանը Երևանի հիվանդանոցներից մեկում է:
«Նա հետազոտման և բուժման փուլում է, որի շրջանակներում բժիշկները կորոշեն, թե, ըստ անհրաժեշտության, երբ կվիրահատեն»,- նշեց խոսնակը՝ հավելելով, որ այլ մանրամասներ փոխանցել չի կարող:
Նշենք, որ ՀՀ Ազգային ժողովը քննարկում է Վճռաբեկ դատարանի դատավորների թեկնածուների հարցը, և երեք թեկնածուի ներկայացնում է Բարձրագույն դատական խորհրդի անդամ Դավիթ Խաչատրյանը, մինչդեռ դա պետք է աներ ԲԴԽ նախագահը. Խաչատրյանը ժամանակավորապես փոխարինում է Ջհանգիրյանին:
