Դիետոլոգ Անժելիկա Դյուվալը նշել է մի շարք մթերքներ, որոնք ավելի լավ է օգտագործել առավոտյան: Ըստ News.ru-ի, սննդակարգի նման ուղղումը օգտակար կլինի ինքնազգացողության, ընդհանուր առողջության բարելավման և ներդաշնակության պահպանման համար։
Առավոտյան ճաշացանկը, ըստ նրա, պետք է ներառի բարդ ածխաջրեր։ Նա խորհուրդ է տվել բանջարեղենից, մրգերից կամ հատապտուղներից սմուզիներ խմել կաթով, ուտել ձավարեղեն, հացահատիկ: «Սա լավագույն սնունդն է օրվա առաջին կեսի համար, այդ ժամանակվանից մենք ունենք բոլոր հնարավորությունները ստացած էներգիան ֆիզիկական ակտիվության վերածելու։ Եթե նման մթերքներն ուտում ենք երեկոյան, դա կնպաստի ավելորդ քաշ հավաքելուն»,- պարզաբանել է Դյուվալը:
Նաև առավոտյան, ըստ մասնագետի, պետք է նախապատվությունը տալ թարմ պատրաստված թեյին, քանի որ այս ըմպելիքն ունի տոնիկ ազդեցություն: Դյուվալը խորհուրդ է տվել ամբողջությամբ հրաժարվել սուրճից, հատկապես աղեստամոքսային տրակտի հիվանդություններ ունեցող մարդկանց:
