Անցած մեկ օրում Հյուսիսային Կորեայում ի հայտ է բերվել «անհայտ տենդի» ավելի քան 232 հազար նոր դեպք, 6 մարդ մահացել է: Այս մասին հայտնում է Yonhap գործակալությունը: Այդ հիվանդությունից մահվան դեպքերի ընդհանուր թիվը հասել է 62-ի:
Ընդհանուր առմամբ, հիվանդությունը, որը Փհենյանն անվանում է տենդ, հայտնաբերվել է արդեն 1,72 մլն քաղաքացու մոտ: Ավելի քան 1,02 մլն մարդ լիովին ապաքինվել է, մոտ 691 հազարը բուժում են ստանում:
