ԿԺԴՀ-ն դեռևս չի արձագանքում COVID-19-ի դեմ պայքարում օգնելու Սեուլի առաջարկին, հայտնում է Yonhap լրատվական գործակալությունը՝ հղում անելով Կորեայի Հանրապետության միավորման հարցերով նախարարությանը։
Նախարարության տվյալներով՝ Հարավային Կորեան ցանկանում է ԿԺԴՀ ուղարկել դեղամիջոցներ, պատվաստանյութեր, դիմակներ, թեստային փաթեթներ, ինչպես նաև օգնել Հյուսիսային Կորեային տեխնոլոգիայով և փորձի փոխանակմամբ։
Աշխատանքային մակարդակով կորոնավիրուսի դեմ պայքարում օգնության կազմակերպման վերաբերյալ առաջարկն արդեն 3 օր է՝ անարձագանք է մնացել։
