Առողջապահության նախկին նախարար Արսեն Թորոսյանը կարծես թե շարունակում է իր նախկին պաշտոնի լիազորությունները։ Բազմիցս այս մասին խոսվել է, սակայն վերջին օրերին կրկին ակտիվություն է նկատվում։ Մարտի 29-ին, Թորոսյանն «Արմենպրես»-ի հետ զրույցում խոսել է կորոնավիրուսային հիվանդության ընթացքի, սպասվող նոր բռնկումների և պատվաստումների կարևորության մասին։ Ինչու՞, Արսեն Թորոսյանը ներկայիս ԱՆ նախարա՞րն է, ինչու՞ է հենց նախկին նախարարը պատասխանում մասնագիտական արդիական հարցերին, այս դեպքում՝ կորոնավիրուսային համավարակի հետ կապված։
Այնուհետև, զբաղեցնելով առողջապահության նախարարի պաշտոնի լիազորությունները, ԱՆ նախկին նախարարը սկսել է նորից այցելել մարզեր՝ ծանոթանալու տեղի բժշկական կենտրոնների նոր բարեփոխումների և հետագա պլանների մասին։ Լուսանկարներների մի մասը՝ ստորև։
Թորոսյանն ապրիլի 2-ին, այցելել է նաև Սևանի հոգեկան առողջության կենտրոն,ծանոթացել վերջին տարիներին կատարված աշխատանքներին և մոտակա պլաններին։ Ինչպես նաև Գեղարքունիքի մարզում այցելել է Մարտունի՝ ներկայացնելու տեղի նոր բժշկական կենտրոնի կառուցման մասին։
Իսկ ու՞ր է Առողջապահության ներկայիս նախարար Անահիտ Ավանեսյանը։ Ինչու՞ նա ևս նախկին նախարարի հետ միասին չի այցելում բժշկական կենտրոններ, կարելի՞ է եզրակացնել, որ Թորոսյանն այնուամենայնիվ չի կարողանում հրաժարվել իր նախկին պաշտոնից, որն էլ գուցե այնքան էլ ներկայիս նախարարի սրտով չէ։
Օֆելյա Պողոսյան