Արցախում կատարվել է 252 թեստավորում, ինչի արդյունքում հաստատվել է կորոնավիրուսի 90 նոր դեպք։ Վարակակիրների թվում կան երեխաներ։ Գրանցվել է 2 մահ։ Այս մասին հայտնում են ԱՀ առողջապահության նախարարությունից։
Ստացիոնար բուժում է ստանում 62 մարդ։
Այսպիսով, 2022 թվականին կատարվել է 8315 թեստավորում, հաստատվել է կորոնավիրուսային հիվանդության ընդհանուր 2711 դեպք: Ընդհանուր առմամբ, կորոնավիրուսի հետևանքով մահվան 30 դեպք է արձանագրվել:
Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու: