Maccabi Health Insurance Fund-ի հետազոտությունների և նորարարության ինստիտուտի իսրայելցի գիտնականները պարզել են, թե ինչպես է հղիության ընթացքում կորոնավիրուսի դեմ պատվաստանյութն ազդում պտղի վրա։ Այս մասին գրում է NEWSru.co.il-ը։
Հետազոտողները համեմատություններ են կատարել այնպիսի ցուցանիշների վերաբերյալ, ինչպիսիք են նորածինների քաշը, հոսպիտալացումները, ծննդյան արատները, մանկական մահացությունը և յուրաքանչյուր խմբում վաղաժամ ծնունդների հաճախականությունը: Հաշվի են առնվել նաև մոր տարիքը, հղիության չափը, ժողովրդագրական տվյալները և սեզոնային գրիպի դեմ պատվաստումը:
«Պատվաստված կանանց խմբում վաղաժամ ծնունդներ են եղել դեպքերի 4,2%-ում, չպատվաստված կանանց խմբում այս ցուցանիշը կազմել է 4,8%, պատվաստված մայրերի երեխաները 5,1%-ի դեպքում հոսպիտալացման կարիք են ունեցել (երկրորդ խմբում այս ցուցանիշը կազմել է 5,3%)»,- ասվում է զեկույցում։
Գիտնականներն ընդգծել են նաև, որ երեխաների բնածին արատները երկու խմբում էլ տեղի են ունեցել նույն հաճախականությամբ։ Խմբերի միջև երեխաների մահացության մակարդակի տարբերություններ չեն հայտնաբերվել:
Հետազոտությունը տևել է 2021 թվականի մարտից հոկտեմբեր՝ 24 հազար ծննդաբերող կանանց մասնակցությամբ։ Նրանցից 17-ը պատվաստվել են հղիության ընթացքում։
