Բրիտանացի համաճարակաբանները հայտնել են, որ Կորոնավիրոսի Օմիկրոն շտամով վարակվածների մոտ ավելի հաճախ են ի հայտ գալիս մաշկային ախտանշաններ: Նշանները հաճախ նման են սուր շնչառական վարակի, բայց նրանք ունեն որոշ առանձնահատկություն՝ հայտնում է lenta.ru-ն, հղում կատարելով «Медик Форум»-ին:
Նրանք հայտնել են Օմիկրոնի վեց հիմնական նշաններ, որոնք հնարավոր է որոշել մաշկի վիճակով: Առաջին հերթին հիվանդը կարող է իր ոտքերում նկատել այսպես ասած «քովիդյան մատներ»: Դրանք կարող են փոխել իրենց գույնը՝ դառնալով ավելի կարմիր կամ մանուշակագույն, ինչպես նաև կարող է առաջանալ քոր կամ ցան: Վարակի առկայության մասին կարող է վկայել նաև ճաքճքված շուրթերը: Հատկապես արժե անհանգստանալ, երբ դրանք դառնում են կապտավուն կամ գունատ մոխրագույն, որը վկայում է շնչառական համակարգի խնդիրների մասին:
Բացի այդ, մաշկի վրա կարող է ի հայտ գալ ցան կամ բծեր, որոնք կառաջացնեն քոր: Նաև կարող է լինել խնդիր՝ մաշկի գրգռվածություն, երբ մարդ շատ է քրտնում, բայց այն դանդաղորեն է գոլորշիանում: Ի վերջո, մաշկային ախտանշանները կարող են նման լինել ցրտահարության՝ կարմիր, ուռուցիկ, ցավոտ բծերը:
Նյութն ամբողջությամբ՝ այստեղ:
Թարգմանությունը՝ Medmedia.am-ի:
