Նիկոլ Փաշինյանը հանձնել է կորոնավիրուսի թեստ, որի պատասխանը եղել է դրական:
Ինչպես հաղորդում է կառավարության թելեգրամի ալիքը, նա սահմանված կարգով ինքնամեկուսացել է, հիվանդությունն ընթանում է անախտանիշ:
«Վարչապետ Փաշինյանը գործունեությունը կիրականացնի հեռավար»,-ասված է հաղորդագրության մեջ։
Հիշեցնենք, որ Նիկոլ Փաշինյանը անցած շաբաթ օրը մասնակցել է Սուրեն Պապիկյանի բազմամարդ հարսանիքին։ Չի բացառվում, որ նա միակ վարակված պաշտոնյան չէ։
Նշենք, որ առաջին անգամ կորոնավիրուսով վարակվելու մասին Նիկոլ Փաշինյանը հայտարարեց 2020-ի հունիսին 1-ին, ապա հունիսի 6-ին հայտարարեց՝ ինքն էլ, իր ընտանիքի անդամներն էլ ապաքինվել են, թեստի պատասխանը բացասական է եղել։
