Ռուսաստանում հայտնաբերված կորոնավիրուսի «Օմիկրոն» շտամով վարակվածների թիվը հասել է 41-ի։ Այս մասին երեքշաբթի հայտնել է «Ռոսպոտրեբնադզոր»-ի ղեկավար Աննա Պոպովան։
«Ռուսաստանի Դաշնությունում արդեն հայտնաբերվել է «Օմիկրոն» վիրուսի նոր գենային տարբերակով վարակման 41 դեպք: Բոլոր հիվանդները գտնվում են հիվանդանոցում»,- ասել է նա՝ կառավարության նոր վարակի դեմ պայքարի համակարգող խորհրդի նիստում:
«Մինչ օրս բոլոր հիվանդների վիճակը կայուն է, նաև այն պատճառով, որ նրանց մեծ մասն իմունիտետ ունի»,- պարզաբանել է Պոպովան։
