Գլխավոր էջ Առողջապահությունն աշխարհում Նոր պատվաստանյութի կարիք չկա, հնարավոր է փոքր-ինչ փոփոխել եղածները․ ԱՀԿ

Նոր պատվաստանյութի կարիք չկա, հնարավոր է փոքր-ինչ փոփոխել եղածները․ ԱՀԿ

2833
0

Արդյո՞ք օմիկրոնը հիվանդության ծանր ընթացք և պոտենցիալ մահ է առաջացնում․․․

Որոշ հետազոտողներ կարծում են, որ «Օմիկրոն» շտամը կարող է գլոբալ համաճարակաբանական աղետի պատճառ դառնալ։

«Իմ ամենամեծ մտավախությունն այն է, որ այս շտամը կարող է դառնալ նույնքան վարակիչ, որքան Դելտան և նույնքան վտանգավոր, որքան Էբոլան», – հարցազրույցներից մեկում նշել  է Համաշխարհային բժշկական ասոցիացիայի նախագահ Ֆրենկ Ուլրիխ Մոնտգոմերին:

Իսկ Թել Ավիվից առաջատար վարակաբան Եվգենի Կաչմանի հավաստմամբ՝ կարծիք կա, որ այս շտամը վարակում է պատվաստվածներին․

«Կարծիք կա, որ այն ավելի վարակիչ է, վարակում է պատվաստվածներին։ Բայց դեռևս ոչ մի ապացույց չկա, որ այն ավելի ծանր ընթացք է առաջացնում և, իհարկե, պատվաստվածների դեպքում։ Արդյոք դա պատվաստվածների մոտ ավելի ծանր ընթացք է առաջացնում՝ համեմատած այլ շտամների՝ նույն «դելտայի» հետ, մենք դեռ չգիտենք։ Դա ավելի շատ ժամանակ է պահանջում »,-նշել  է նա։ Այս մասին տեղեկացնում է tvzvezda.ru-ն։

Չսպասելով հետազոտողների եզրակացություններին, շատ նահանգների իշխանություններ կանխարգելիչ միջոցներ են ձեռնարկել՝ կանխելու նոր մուտացիայի տարածումը։ Եվրոպայում խստացվել են կարանտինային միջոցառումները, մտցվել է ուղևորների պարտադիր թեստավորում։

«Մենք պետք է դանդաղեցնենք այս տարբերակի տարածումը այստեղ՝ Մեծ Բրիտանիայում, քանի որ սահմանային միջոցառումները կարող են միայն նվազագույնի հասցնել և հետաձգել նոր տարբերակի ժամանումը, այլ ոչ թե ամբողջությամբ կասեցնել այն: Նրանց համար, ովքեր եղել են խնդրահարույց երկրներում վերջին 10 օրվա ընթացքում, նրանց համար, ովքեր շփվել են մարդկանց հետ, ովքեր եղել  են Օմիկրոնի կասկածով, մենք 10-օրյա պարտադիր կարանտին ենք մտցնում, անկախ պատվաստման կարգավիճակից»,- ասել է Մեծ Բրիտանիայի վարչապետ Բորիս Ջոնսոնը։

Պատվաստումը եղել է COVID-19-ից պաշտպանվելու ամենաարդյունավետ միջոցը։ Իսկ «Օմիկրոնի» պարագայում պատկերն այլ է․ արդյո՞ք ներկայիս պատվաստանյութերն արդյունավետ կլինեն նոր շտամի դեմ, գիտնականների առջև ծառացած թիվ մեկ հարց ու մարտահրավեր է:

Արդյո՞ք նոր շտամը կվարակի պատվաստվածներին, կհանգեցնի՞ արդյոք պատվաստվածների մոտ հիվանդության ծանր ընթացքի։ Պատասխանները խուսափողական են, բայց և՛ գիտնականները, և՛ պատվաստանյութ մշակողները միանշանակ ասում են՝ պատվաստանյութով ավելի հեշտ է դիմակայել մուտացիաներին, քան առանց դրա: ԱՀԿ-ն նաև հայտարարել է, որ նոր պատվաստանյութի կարիք չկա, հնարավոր է փոքր-ինչ փոփոխել եղածները։

«Եթե մենք նոր պատվաստանյութ մշակենք, ամենայն հավանականությամբ, չենք կարողանա կանխել վարակի առաջին ալիքը, քանի որ մոտ 100 օր կպահանջվի նոր պատվաստանյութ մշակելու և այն կիրառելու համար։ Սա նշանակում է, որ նրանք միշտ ժամանակից դուրս կլինեն, եթե տարբերակը շատ արագ զարգանա։ Բայց մենք վստահ ենք, որ այն մարդիկ, ովքեր պատվաստվել են, կունենան բավարար պաշտպանություն։ Մենք դա պետք է տեսնենք առաջիկա շաբաթների ընթացքում », – ասել է պատվաստանյութ արտադրող ընկերության զարգացման ղեկավար Ուգուր Սախինը:

Ս․ Ասատրյան

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ