Այսօր տեղի է ունենում «Սուրբ Աստվածամայր» ԲԿ֊ի բժիշկների մամուլի ասուլիսը։ Նրանք ներկայացնում են Գյումրիում ծեծված երեխայի առողջության վերաբերյալ մանրամասներ:
Հիշեցնենք` ավելի վաղ հայտնել էինք, որ Գյումրիում ծեծի էին ենթարկվել մայրն ու նրա անչափահաս դուստրը: Կինը մահացել է, իսկ երեխան ծայրահեղ ծանր վիճակում տեղափոխվել է «Գյումրու մոր և մանկան ավստրիական հիվանդանոց»:
Ծեծի ենթարկված 13-ամյա աղջնակը տեղափոխվել էր Երևան: Նա ունի համակցված վնասվածքներ, գլխուղեղի սալջարդ, կրծքավանդակի սալջարդ, որովայնի սալջարդ, աջ ամրակի կոտրվածք:
«Երեխան ընդունվել է ծանր անգիտակից վիճակում: Կասկած կար, որ ներքին արյունահոսություն կա և ներքին օրգանների վնասում, այդ պատճառով էլ կատարվել է դիագնոստիկ լաբարատոմիա: Այս պահին որևէ կրկնակի միջամտությունների կարիք մենք չենք տեսնում: Երեխան շարունակում է շնչել արհեստական շնչառության սարքի միջոցով»,- նշեց «Սուրբ Աստվածամայր» ԲԿ-ի տնօրեն Նիկոլայ Դալլաքյանը:
Նա նաև հայտնեց, որ դեռ ոչ մի հարազատ չի եկել երեխային տեսակցության:
