Ինդոնեզիայի իշխանությունները մտադիր են նախկին փախստականների ճամբարը Գալանգ կղզու վրա վերածել հատուկ հիվանդանոցի՝ CoV-2 կորոնավիրուսով հիվանդների բուժման համար: Այս մասին մարտի 4-ին հաղորդել է The Jakarta Post-ը:
Ինդոնեզիայի զինված ուժերի հրամանատար, օդային ավիացիայի մարշալ Հադի Թչաջանոն նախօրեին այցելել է կղզի: Ըստ նրա՝ ընտրությունը կանգ է առել Գալանգի վրա, քանի որ կղզում կային շենքեր, որոնք 1979-1996 թվականներին օգտագործվել են որպես ճամբար վիետնամցի փախստականների համար:
Հադին ընդգծել է, որ կղզու տարածքում կգործի նաև կարանտինային կենտրոն: Ընդհանուր առմամբ՝ հիվանդանոցում կկարողանան տեղավորել 1000 հիվանդ: Դրա շինարարությունը կավարտվի մեկ ամսվա ընթացքում:
Մարտի 2-ին Ինդոնեզիայում հայտնի դարձավ կորոնավիրուսով վարակման 2 դեպք:
CoV-22019-ի բռնկումը գրանցվել է դեկտեմբերի վերջին Չինաստանի Ուհան քաղաքում: Վիրուսը ծանր թոքաբորբի տեսակ է: Հետագայում այն տարածվեց այլ երկրներում: