Հռոմի պապ Ֆրանցիսկոսին ստուգել են՝ պարզելու, թե արդյո՞ք վերջինս կորոնավիրուսով հիվանդ չէ: Թեսթը բացասական արդյունք է ցույց տվել: Այս մասին հայտնում է իտալական Il Messaggero թերթը:
83-ամյա պապը մեկ շաբաթ է, ինչ հիվանդ է: Կիրակի օրը հավատացյալների հետ հանդիպման ժամանակ նա ուժեղ հազ է ունեցել:
Ըստ թերթի տեղեկությունների` օրերս Բարի կատարած այցից և մարդկանց հետ բազմաթիվ հանդիպումներից հետո Հռոմի պապ Ֆրանցիսկոսը ջերմություն և կոկորդի ցավ էր ունեցել: Բժիշկները նրան հետազոտել էին՝ պարզելու կորոնավիրուս առկա՞ է, թե՞ ոչ:
Քանի որ թեստը չի հաստատել SARS-CoV-2- ի առկայությունը, Հռոմի պապը կարող է շարունակել առավոտյան պատարագների անցկացումը և Սբ. Մարթայի տանը, որտեղ նա բնակվում է, հյուրերի ընդունումը:
Նշենք, որ Վատիկանը պաշտոնապես չի հայտարարել պապի հետազոտության մասին: Հիվանդության հենց սկզբից նշվում էր, որ պապը մրսածություն ունի, և այլ ախտորոշումներ անելու պատճառ չկա: