Նոր կորոնավիրուսի տարածման կանխարգելման աշխատանքների շրջանակներում այսօր առողջապահության նախարար Արայիկ Բաղրյանի ուղեկցությամբ շրջայց եմ կատարել Ստեփանակերտի և Շուշիի բուժհիմնարկներ, ծանոթացել հիվանդասենյակների պայմաններին և առկա հնարավորություններին:
ԱՆ «Հանրապետական բժշկական կենտրոն» ՓԲԸ գործադիր տնօրեն Կարեն Բազիյանը հավաստիացրել է, որ հիվանդանոցը տեխնիկապես վերազինված է, ապահովված անհրաժեշտ դեղորայքով:
Առողջապահության նախարարը տեղեկացրել է, որ Արցախում նոր կորոնավիրուսով հիվանդության դեպք Արցախում չի արձանագրվել: Վիրուսը հայտնաբերելու դեպքում հիվանդը կմեկուսացվի, քննարկվում է նաև, հարկ եղած դեպքում, հիվանդներին առանձին բուժհիմնարկ տեղափոխումը:
Գրառումը՝ ԱՀ պետական նախարար Գրիգորի Մարտիրոսյանի ֆեյսբուքյան էջից։ 
