Սնունդ ընդունելուց անմիջապես հետո ատամները լվանալը կարող է վնասել էմալը, որը պաշտպանում է ատամները կարիեսից: Daily Express թերթին տված հարցազրույցում այսպիսի կարծիք է հայտնել ատամնաբույժ Հաննա Կինսելլան:
Նրա խոսքով՝ շատերը ատամները լվանում են ուտելուց անմիջապես հետո, քանի որ կարծում են, որ կարեւոր է արագ ազատվել ատամների մեջ սննդի մնացորդներից: Իրականում խորհուրդ է տրվում ուտելուց հետո առնվազն կես ժամ սպասել մինչեւ ատամները լվանալը, հատկապես թթուներ պարունակող մթերքներ օգտագործելուց հետո:
Մասնագետի խոսքով՝ կիտրոնաթթու պարունակող մթերքները կարող են որոշ ժամանակով փափկեցնել ատամի էմալը, եւ դրանց օգտագործումից անմիջապես հետո ատամները լվանալը կարող է վնասակար լինել:
Ատամնաբույժը նաեւ խորհուրդ է տվել ատամները լվանալիս ամուր չսեղմել խոզանակը, որպեսզի ատամները չվնասվեն:
