Այս պահին Հայաստանում նոր կորոնավիրուսային վարակի հաստատված դեպք չկա: Այս մասին Շանթի եթերում ասել է Հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանը։
«Կորոնավիրուսն առավել հաճախ տարածվում է օդակաթիլային ճանապարհով՝ հատկապես փեռքերի միձոցով, ինչպես սուրշնչառական հիվանդությունների ժամանակ։ Այդ պատճառով հորդորում ենք մեր բնակչությանը պարտադիր պահպանել ձեռքերի հիգիենան»,- նշել է Վանյանը։
Ըստ նրա՝ յուրաքանչյուր վիրուս էլ, այդ թվում նաև կորոնավիրուսը, կարող են մուտացիայի ենթարկվել։ Եվ եթե սկզբում այն մարդուց մարդ չի կարող փոխանցվել, ապա այժմ դա նույնպես հնարավոր է։
«Ինչ վերաբերում է շրջակա միջավայրին։ Կա թեզ, որ վիրուսը մետաղների վրա կարող է մինչև 12 ժամ պահպանվում է, իսկ արդեն բարձր ջերմաստիճանի դեպքում, արդեն 27 աստիճանից բարձր վիրուսը չի կարող գոյատևել»,-նշեց Արտավազդ Վանյանը։
Նա հավելեց, որ կորոնավիրուսով վարակվելու ռիսկային խմբում քրոնիկ հիվանդություն ունեցող մարդիկ են, ծերերը և երեխաները, սակայն ամբողջ աշխարհում կորոնավիրուսով վարակված երեխայի մահացության դեպք չի գրանցվել։