Քրտնարտադրությունն օրգանիզմի համար շատ կարևոր գործընթաց է, որի միջոցով տեղի է ունենում ջերմակարգավորումը, ինչպես նաև մարմինն ազատվում է ավելորդ հեղուկից ու վնասակար տարրերից, սակայն լինում են դեպքեր, երբ այս գործընթացը հուշում է առողջական խնդիրների մասին, որոնք չի կարելի անուշադրության մատնել։ Խոսքը, մասնավորապես, առանց արտաքին խթանիչների նկատվող քրտնարտադրության մասին է, որը կարող է պայմանավորված լինել լուրջ խանգարումներով։
Ինչպես նշել է բժիշկ-վարակաբան Լյուդմիլա Լապան, տենդով ուղեկցվող սառը քրտինքը հուշում է օրգանիզմի ինտոքսիկացիայի, գերտաքացման կամ օրգանիզմ ներթափանցած ախտածին տարրի դեմ պայքարի մասին։ Նման ախտանշան հատկապես հաճախ է ի հայտ գալիս սուր շնչառական վիրուսային վարակների դեպքում, որը նաև ուղեկցվում է թոքերում ընթացող բորբոքային գործընթացներով։ Որոշ դեպքերում հիվանդությունը կարող է հանգեցնել թոքաբորբի զարգացման, որը զգալի բարձրացնում է մահվան հավանականությունը։
«Հարկավոր է անմիջապես չափել մարմնի ջերմաստիճանն ու բարձր լինելու դեպքում բժիշկ կանչել։ Դա շատ վատ ցուցանիշ է», – նշել է վարակաբանը։
Սառը քրտինք կարող է արտազատվել նաև ներզատական համակարգի կամ սրտանոթային համակարգի հիվանդություների դեպքում։ Նման խնդիրները կարող են ուղեկցվել հաճախասրտությամբ (տախիկարդիա), որը կարող է շատ վտանգավոր լինել տարեցների համար։
Բացի այդ, նման խնդիր կարող է ի հայտ գալ նաև գերտաքացման ֆոնին։ Ընդ որում՝ անգամ գարնանը չի կարելի թերագնահատել ջերմային հարվածի հավանականությունը, ուստի հարկավոր է անպայման պաշտպանել գլուխը գիտակցության կորստից խուսափելու և նորման ջերմակարգավորումը պահպանելու մասին։ Բացի այդ, նման խնդրից խուսափելու համար հարկավոր է ուշադրություն դարձնել նաև համավարակի պայմաններում օգտագործվող դիմակներին՝ նախապատվությունը տալով թեթև ու բաց գույնի կտորներից կարված դիմակներին։
Նյութի աղբյուրը՝ actualnews.org
