Հնդկաստանում հինգերորդ օրն անընդմեջ կորոնավիրուսով վարակվածների թվի աճը ռեկորդային բարձր է: Այս մասին հայտնում է ՏԱՍՍ-ը՝ հղում անելով երկրի առողջապահության նախարարությանը:
Նշվում է, որ վերջին 24 ժամվա ընթացքում վարակվել է 349 691 մարդ, շաբաթ օրը ՝ մոտ 346 786, ուրբաթ օրը այս ցուցանիշը 332 730 էր, իսկ հինգշաբթի օրը՝ 314 835:
Վերջին 72 ժամվա ընթացքում երկրում գրանցվել է գրեթե մեկ միլիոն նոր վարակակիր:
Վարակվածների թվի կայուն աճ է նկատվում Մահարաշտրա, Ութար Պրադեշ նահանգներում, Դելիի մայրաքաղաքային շրջանում (որը ներառում է Նոր Դելի)։
Ամենաբարդ իրավիճակը եղել է արևմտյան Մահարաշտրա նահանգում, որտեղ մեկ օրում հայտնաբերվել է վարակի 66191 դեպք։
Կորոնավիրուսային վարակի հետ կապված մահվան դեպքերը 24 ժամվա ընթացքում աճել են 2,812-ով։ Մահվան դեպքերի ընդհանուր թիվը հասել է 195 123-ի:
