Վրաստանում արձանագրվել է կորոնավիրուսի 1 792 նոր դեպք: Այս մասին տեղեկությունը հրապարակվել է stopcov.ge կայքէջում:
Ինտենսիվ թեստավորման շրջանակում վերջին 24 ժամում կատարվել է 30 940 նմուշառում։ Դրականության ցուցանիշը. Օրական 5,79%, վերջին 14 օրը –3,24%, վերջին 7 օրը –3,92%:
Այս պահի դրությամբ Վրաստանում հաստատված է նոր կորոնավիրուսի 297 728 դեպք: Ապաքինվել է ևս 663 պացիենտ, և նրանց ընդհանուր թիվը կազմում է 282 237:
Վերջին 24 ժամում կորոնավիրուսից մահացել է 10 մարդ: Համավարակի մեկնարկից մինչ օրս կորոնավիրուսից երկրում 3 959 մարդ է մահացել։