Խորհուրդ է տրվում օրական ոչ ավելի, քան 60 գրամ ընկույզ օգտագործել, պնդում է Սննդի եւ կենսատեխնոլոգիայի դաշնային հետազոտական կենտրոնի (Ռուսաստան) սննդաբան, բժշկական գիտությունների թեկնածու Նատալյա Դենիսովան:
«Արգումենտի ի ֆակտի» պարբերականի փոխանցմամբ, ըստ փորձագետի, ընույզի օրական նորմը 30-50 գրամ է կազմում, իսկ ավելի քան 60 գրամը՝ «լրացուցիչ կալորիաներ են»:
Համարվում է, որ ընկույզը, չնայած ճարպի եւ կալորիաների մեծ քանակին, նվազեցնում է «վատ» խոլեստերինի մակարդակը: Բազմաթիվ հետազոտություններ ցույց են տվել, որ ընկույզի կանոնավոր օգտագործումը 60-70 տարեկան հասակում նվազեցնում է աթերոսկլերոզի եւ սրտանոթային այլ հիվանդությունների զարգացման հավանականությունը:
