Ավստրիայի առողջապահության ոլորտում անվտանգության հարցերով դաշնային գործակալությունը հայտարարել է հակակորոնավիրուսային պատվաստումից հետո մահվան դեպքերի թվի ավելացման մասին։ Այդ թիվը 55-ից դարձել է 63։ Զեկույցում հաստատված չէ մահերի կապը պատվաստանյութերի կիրառման հետ, սակայն հետազոտությունները շարունակվում են։
Գործակալությանը հաղորդվել է 63 մարդու մահվան մասին։ Դեպքերը տեղի են ունեցել պատվաստումից հետո մոտ ժամանակահատվածում։ Նրանցից 57-ը պատվաստվել են BioNTech/Pfizer ընկերությունների մշակած պատվաստանյութով, 3-ը՝ Moderna-ով, 3-ը՝ AstraZeneca-ով։
Պատվաստումից հետո ենթադրյալ կողմնակի ազդեցությունների մասին գրանցված հաղորդագրությունների թիվը մեկ շաբաթում 17 280-ից հասել է 18 063-ի։ Ամենամեծ մասնաբաժինն ընկնում է AstraZeneca-ի վրա՝ 13 068 հաղորդում։ Երկրորդ տեղում BioNTech/Pfizer-ի պատվաստանյութն է (4476), երրորդում՝ Moderna-ն (519):
