Կորոնավիրուսի դեմ Pfizer Inc-ի կողմից BioNTech SE-ի հետ համատեղ մշակված եւ Moderna Inc-ի պատվաստանյութի երկրորդ չափաբաժնից 2 շաբաթ անց վարակվելու ռիսկը նվազում է 90%-ով: Սա ցույց է տվել երկուշաբթի ԱՄՆ-ում հրապարակված հետազոտությունը:
Dailymail.co.uk-ը հայտնում է, որ այս պատվաստանյութերի ՌՆԹ (mRNA)-ով իրական օգտագործման վերաբերյալ ԱՄՆ Հիվանդությունների վերահսկման եւ կանխարգելման կենտրոնների հետազոտության արդյունքները հաստատում են խոշոր վերահսկվող կլինիկական փորձարկումների արդյունքները, որոնք անցկացվել են մինչեւ ԱՄՆ սննդամթերքների եւ դեղամիջոցների որակի վերահսկման վարչությունից արտակարգ օգտագործման թույլտվություն ստանալը:
