Վոլգոգրադի մարզի Սիդորի գյուղում անհայտ վարակի պատճառով հոսպիտալացվել է երեքից 11 տարեկան վեց երեխա:
«Նախնական ախտորոշումը «անհայտ էթիոլոգիայի վիրուսային վարակ է», ճշգրիտը կորոշվի լաբորատոր հետազոտություններ անցկացնելուց հետո»,- «ՌԻԱ Նովոստիին» հայտնել են մարզային վարչակազմից:
Ինչպես ասել է գործակալության զրուցակիցը, չորեքշաբթի օրը երեք ամենափոքր հիվանդները տեղափոխվել էին Վոլգոգրադի տարածաշրջանային հիվանդանոցի ինֆեկցիոն բաժանմունք, ևս մեկ ընտանիքի երեք երեխա այսօր առավոտյան հոսպիտալացվել է տարածաշրջանային հիվանդանոց: Սիդորի են մեկնել մարզպետարանի մասնագիտացված կոմիտեների մասնագետներ: «Ռոսպոտրեբնադզորը» սանիտարահամաճարակային հետաքննություն է իրականացնում:
Վոլգոգրադի մարզի դատախազությունը նույնպես ստուգում է սկսել:
