Հայնան կղզու Բոանա քաղաքում ամենամյա միջազգային տնտեսական ֆորումը` «Չինական Դավոս»-ը հետաձգվել է անորոշ ժամանակով՝ կորոնավիրուսի նոր տեսակի բռնկման պատճառով: Այդ մասին հայտնում է South China Morning Post-ը:
Նախատեսվածի համաձայն` ֆորումը պետք է կայանար մարտի 24-27-ը:
Նշենք, որ բացի դրանից` կորոնավիրուսի բռնկման պատճառով ավելի վաղ չեղարկվել էր Չինաստանի Ազգային ժողովրդական կոնգրեսի նստաշրջանը: Այն պետք է մեկնարկեր մարտի 5-ին: Կազմակերպիչները հայտարարել են, որ այն ավելի ուշ կանցկացվի:
South China Morning Post-ը նշում է, որ համաճարակի տարածումը զսպելու համար, որն արդեն խլել է ավելի քան 2200 մարդու կյանք, մարտին ու ապրիլին Չինաստանում չեղարկվել են բազմաթիվ մասսայական միջոցառումներ:
