ՀՀ ազգային ժողովն ընդունեց կորոնավիրուսի դեմ պայքարի արդյունավետությունն ուսումնասիրող քննիչ հանձնաժողովի լիազորությունների ժամկետը 6 ամսով երկարաձգելու վերաբերյալ նախագիծը:
«Արմենպրես»-ի հաղորդմամբ՝ նախագիծն ԱԺ նիստում ներկայացնելիս հանձնաժողովի նախագահ Արկադի Խաչատրյանը հիշեցրել էր, որ քննիչ հանձնաժողովը ստեղծվել է դեռ անցյալ տարվա ամռանը ընդդիմադիր «Լուսավոր Հայաստան» և «Բարգավաճ Հայաստան» խմբակցությունների նախաձեռնությամբ: Սակայն, պատերազմի հետևանքով, ինչպես նաև պետական համակարգի գերծանրաբեռնվածության պայմաններում հնարավոր չի եղել ապահովել հանձնաժողովի բնականոն գործունեությունը: Եվ հանձնաժողովը կարողացել է իրականացնել իր լիազորությունները միայն վերջին երկու ամսվա ընթացքում:
Նախագիծը քվեարկությամբ ստացավ 117 «կողմ», 1«դեմ», 1 «ձեռնպահ» ձայներ:
