Գերմանացի և նորվեգացի գիտնականներն իրարից անկախ պարզել են, թե ինչպես կարող է AstraZeneca ընկերության մշակած պատվաստանյութը հազվադեպ առաջացնել թրոմբոէմբոլիկ բարդություններ, հաղորդում է The Wall Street Journal-ը:
Փորձագետները պարզել են, որ շվեդ-բրիտանական ընկերության դեղանյութը կարող է առաջացնել աուտոիմունային հազվագյուտ ռեակցիա, ինչի պատճառով հայտնվում են հակամարմիններ, որոնք այնուհետև փոխազդեցության մեջ են մտնում թրոմբոցիտների հետ:
Ավելի վաղ եվրոպական 20 երկրներ արգելել էին AstraZeneca-ով պատվաստումները, այնուհետև մի քանի երկրներ վերսկսել էին պատվաստումները պատվաստանյութի անվտանգության և արդյունավետության մասին Դեղորայքի եվրոպական գործակալության հայտարարությունից հետո։