Մարտի 18-ին «Հանրապետական բժշկական կենտրոն» ՓԲԸ-ից հաղորդում է ստացվել ոստիկանության Ստեփանակերտ քաղաքի վարչություն այն մասին, որ նույն օրը ժամը 11:40-ին շմոլ գազի թունավորումով իրենց մոտ է ընդունվել մայրաքաղաքի բնակիչ, 1957թ. ծնված Ռ. Ս.-ն։
Մեկնած ավագ տեղամասային տեսուչը պարզել է, որ Ռ. Ս.-ն թունավորումը ստացել է նույն օրը ժամը 08:30-ի սահմաններում իրենց բնակարանի բաղնիքում լոգանք ընդունելու ժամանակ, բաղնիքում առկա գազի ջրատաքացուցիչ կաթսայից արտանետած շմոլ գազից:
Ստուգմամբ զբաղվում է ոստիկանության Ստեփանակերտ քաղաքի վարչությունը:
