Մարտի 19-ին Ֆրանսիան կվերսկսի բնակչության պատվաստումը AstraZeneca-ի կորոնավիրուսի դեմ պատվաստանյութով, հայտարարել է երկրի վարչապետ Ժան Կաստեքսը, գրում է «ՌԻԱ Նովոստի»-ն:
«Վաղն առավոտից Առողջապահության գերագույն մարմինը… կթարմացնի իր ցուցումները AstraZeneca-ի պատվաստանյութի վերաբերյալ, որպեսզի մենք կարողանանք դրանից անմիջապես հետո վերսկսել պատվաստումների արշավը»,- ասել է Կաստեքսը:
Վարչապետը նշել է, որ առաջիկայում ինքը նույնպես կպատվաստվի AstraZeneca-ի պատվաստանյութով:
