Այն կանայք, որոնք խնդիրներ ունեն քնի հետ, ավելի հաճախ սնվում են բարձր կալորիականությամբ մթերքներով։ Եվ ուղեղը չի հասցնում հասկանալ, թե երբ է օրգանիզմը ստացել բավարար քանակությամբ սնունդ։
Հետևելով 500 կանանց՝ պարզ է դարձել, որ քնի հետ խնդիրներ ունեցողները նախապատվությունը տալիս են ոչ այդքան որակյալ սննդին։ Սա վերաբերում է այն կանանց, որոնց երկար ժամանակ է հարկավոր քնելու համար կամ էլ գիշերը հաճախ են արթնանում քնից։ Ըստ գիտնականների՝ քնի պակասը կարող է կամ մեծացնել քաղցածության հորմոնի արտադրությունը, կամ էլ ճնշել այն ազդակները, որոնք տեղեկացնում են ուղեղին կշտության զգացման մասին։ Հետազոտություններն անուղղակի կերպով բացատրում են, թե ինչու է քնի պակասը կապված սրտի հիվանդությունների ռիսկի հետ։
Եթե կանայք քիչ են քնում և շատ են ուտում, ապա հաճախ են բախվում ճարպակալմանը։ Այդ դեպքում այլ հիվանդությունների, ինչպես նաև առողջական խնդիրների ձեռքբերման հավանականությունը ավելի է մեծանում։ Կոլումբիայի համալսարանի գիտնականները Նյու Յորքում հետազոտության համար ընտրել են կանանց, քանի որ նրանց մոտ քնի հետ խնդիրներին առավել հաճախ են բախվում։ Դա կապված է հոգեկան մեծ սթրեսի հետ՝ կանայք հիմնականում իրենց վրա են վերցնում հետո առաջանում է տնային գործերի մեծամասնությունը, իսկ դաշտանադադարից հետո առաջանում են հորմոնային խնդիրներ։
Հետազոտությանը մասնակցել են 20-76 տարեկան կանայք։ Նրանք տեղեկացնում են քնի որակի՝ հաշվի առնելով քնելու ժամանակը և արթնանալու հաճախականությունը։ Քնի հետ կապված խնդիրներ ունեցող կանայք օրվա մեջ իջինում օգտագործել են 143 կկալորիայով ավելի շատ, ինչպես նաև ավելի շատ շաքար։ Այս մասին գրում է Journal of the American Heart Association-ը։