Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրեյեսուսը և ՄԱԿ-ի գլխավոր քարտուղար Անտոնիո Գուտերեշը մարտի 8-ին հայտարարել են կորոնավիրուսային համավարակի ընթացքում շատ երկրներում կանանց վիճակի վատթարացման մասին:
Այսպիսով, Ժնևում կայացած ճեպազրույցում Գեբրեյեսուսը նշել է, որ համավարակի հետևանքներն ավելի վատ են ազդել կանանց վրա, քան տղամարդկանց, և նշել է նրանց առանցքային դերը բուժման և կյանքեր փրկելու գործում, քանի որ, նրա խոսքով, կանայք կազմում են աշխարհի բժիշկների մոտ 70% -ը:
«Շատ դեպքերում, կանայք անհամաչափորեն տուժել են COVID-19 համավարակից: Մենք ականատես ենք եղել կանանց նկատմամբ բռնության ահռելի աճի և սեռի և վերարտադրության հետ կապված առողջապահական ծառայությունների հասանելիության կրճատմանը»,- ասել է ԱՀԿ ղեկավարը, որից հետո շնորհակալություն է հայտնել առողջապահության ոլորտում աշխատող կանանց։
Իր հերթին, Գուտերեշը, ՄԱԿ-ի կենտրոնակայանում կանանց միջազգային օրվա առթիվ ունեցած ելույթի ժամանակ ասել է, որ աշխարհում կանանց վիճակը վատթարացել է համավարակի պատճառով և կոչ է արել ապահովել տղամարդկանց հետ նրանց հավասարոությունը հասարակական-քաղաքական կյանքում:
«Պանդեմիան խորացրել է գենդերային անհավասարությունը, շատ կանանց մղել աղքատության, զրկել նրանց աշխատանքից, բժշկությունից և կրթությունից օգտվելու հնարավորությունից: Մինչ կանայք կարևոր դեր են խաղում համավարակի դեմ պայքարում, մենք տեսնում ենք հետընթաց նրանց իրավունքների ապահովման գործում», – ասել է ՄԱԿ-ի գլխավոր քարտուղարը:
