Քաղցկեղի ամենավտանգավոր, տարածված ու դժվար բուժվող տեսակներից մեկի ուսումնասիրությանն ուղղված նոր հետազոտությունը ցույց է տվել, որ փորլուծության բուժման համար կիրառվող դեղամիջոցն արդյունավետ կերպով նվազեցնում է հիվանդության կայունությունը քիմիաթերապիայի նկատմամբ։ Հետազոտության արդյունքները հրապարակվել են Science Translational Medicine պարբերականում։
Ինչպես բացատրում է հետազոտության հեղինակ բժիշկ Չի Վայ Էրիկ Սոն, ԴՆԹ-ի մուտացիաները համարվում են քաղցկեղի զարգացման շարժիչ ուժը, սակայն այդ մուտացիաները պետք է ճիշտ բջիջներում տեղի ունենան, որպեսզի դրանք դառնան չարորակ։
«Առաջացման բջիջները որոշելը շատ կարևոր է քաղցկեղի կենսաբանությունը հասկանալու և թերապևտիկ լավագույն մարտավարությունը մշակելու համար։ Այս հետազոտության ընթացքում մենք վերակառուցել ու նույնականացրել ենք մարսու լեյկոզի ագրեսիվ ու բուժման նկատմամբ կայուն տեսակի առաջացման բջիջները», — նշում է մասնագետը։
Գիտնականները պարզել են, որ կայունության դեպքում բջիջներն ստեղծում են հատուկ սպիտակուց, որը քիմիական նյութեր է արտադրում։ Հետազոտության շրջանակներում մասնագետները կիրառել են փորլուծության դեմ նախատեսված հակաբիոտիկ, որը տվել են մարդու լեյկոզի բջիջներ ունեցող մկներին։ Արդյունքում բուժման նկատմամբ կայունությունը նվազել է, իսկ ողջ մնալու հավանականությունը բարձրացել։
