Առանց ակնհայտ պատճառի ավելորդ քրտնարտադրությունը կարող է սրտի հետ կապված խնդիրների ախտանիշ լինել: Ավելին, դա կարող է վկայել մոտալուտ սրտի կաթվածի մասին, պնդում են Սրտային հիվանդությունների բրիտանական հիմնադրամի մասնագետները:
Express պարբերականը պատմում է, որ խցանված զարկերակներով արյան մղումը ավելի մեծ ջանքեր է պահանջում սրտից, ուստի մարմինը ավելի շատ է քրտնում` փորձելով իջեցնել ջերմաստիճանը:
Ըստ մասնագետների` բժշկի դիմել անհրաժեշտ է նաեւ գիշերային անհիմն քրտնարտադրության դեպքում:
Բժիշկների կարծիքով` ամենավտանգավորը կրծքավանդակի հանկարծակի ցավով, գլխապտույտով կամ սրտխառնոցով ուղեկցվող քրտնարտադրությունն է. այդ ամենը կարող է վկայել սրտի կաթվածի մասին, եւ այդ դեպքում մարդը, ամենայն հավանականությամբ, բժշկական օգնության կարիք ունի:
