Առողջապահության համաշխարհային կազմակերպությունը փետրվարի 15-20-ը գրանցել է աշխարհում COVID-19-ով վարակման դեպքերի 11 տոկոսով նվազում, իսկ մահվան ելքերի թիվը նախորդ շաբաթվա համեմատ նվազել է 20 տոկոսով։
Վարակման դեպքերի թիվը նվազում է արդեն 6-րդ շաբաթն անընդմեջ։
Անցած շաբաթ աշխարհում գրանցվել է 2 457 026 նոր վարակակիր, վիրուսի հարուցած բարդություններից մահացել է 66 359 մարդ։
Այսպիսով՝ Հյուսիսային և Հարավային Ամերիկայում նկատվել է հիվանդացության անկում 19%-ով, Արևմտյան-Խաղաղօվկիանոսյան տարածաշրջանում՝ 9%-ով, Եվրոպայում՝ 7%-ով, Արևելյան Միջերկրականում՝ 7%-ով։ Մահացությունն այդ տարածաշրջաններում նույնպես նվազել է՝ համպատասխանաբար 23%, 6%, 19% և 3%-ով։
