Ջրից հետո, սև թեյը համարվում է աշխարհում ամենահայտնի ըմպելիքներից մեկը: Դրա պատրաստումը ընդամենը մի քանի րոպե է տևում: Ըմպելիքն ունի վառ արտահայտիչ համ, և պարունակում է ավելի շատ կոֆեին քան մնացած թեյերի տեսակները:
Սև թեյը նաև ունի մի շարք օգտակար հատկանիշներ օրգանիզմի համար: Այն պարունակում է հակաօքսիդանտներ և միացություններ, որոնք օգնում են նվազեցնել բորբոքումները օրգանիզմում: Սև թեյի կալորիականությունը կազմում է ընդամենը 1 կկալ 100 գրամի համար:
Սև թեյը պարունակում է ֆլավոնոիդներ, որոնք օգտակար են սրտի համար: Հետազոտությունները ցույց են տալիս, որ պարբերաբար սև թեյի օգտագործումը օգնում է նվազեցնել սիրտանոթային հիվանդությունների ռիսկը: Այն նաև իջեցնում է «վատ» խոլեստիրինի քանակությունը արյան մեջ:
Սև թեյի շնորհիվ նաև կարող ենք լավացնել ստամոքսի աշխատանքը և բարձրացնել իմունիտետը: Դա տեղի կունենա ըմպելիքի պոլիֆենալ և հակաբակտերային հատկությունների միջոցով:
Արյան բարձր ճնշումը կարող է մի շարք բարդությունների հանգեցնել : Սև թեյի օգտագործումը կօգնի իջեցնել սիստոլային և դիաստոլային ճնշումները:
Ինսուլինը հորմոն է, որ արտադրվում է շաքարի օգտագործումից: Սև թեյը հիանալի ոչ քաղցր ըմպելիք է, որ կօգնի նվազեցնել շաքարի մակարդակը արյան մեջ:
Հետազոտությունները ցույց են տվել, որ սև թեյը իջեցնում է նաև ինսուլտի ռիսկը: Այն օգնում է պայքարել քաղցկեղածին բջիջների դեմ: Չնայած` սև թեյի օգտագործումը չի բուժի քաղցկեղը, այն կարող է օգնել քաղցկեղածին բջիջների զարգացման դանդաղեցմանը: Սև թեյը լավացնում է ուշադրության կենտրոնացումը` կոֆեինի և ամիաթթուների պարունակության շնորհիվ:
Ապահով է այս ըմպելիքից խմել օրական երեք-չորս բաժակ: Սև թեյ հակացուցված է այն մարդկանց, որոնք ունեն բարձր ճնշում, աչքի հիվանդություններ (պատճառն այն է, որ սև թեյըկարող է բարձրացնել ներակնային ճնշումը), ինչպես նաև չի կարելի այն խմել, եթե մարդ օգտագործում է դեղահաբեր` մանավանդ, երբ դեղահաբերը կոֆեին են պարունակում:
Սոված փորին սև թեյ ըմպելը կարող է հանգեցնել աղեստամոքսային տրակտի խնդիրների: Հարկ է հիշել, որ թունդ սև թեյը միգուցե ատամի էմալը դեղնացնի ավելի շատ, քան սուրճը կամ նույնիսկ ծխելը:
Հղիության ընթացքում պետք է քչացնել սև թեյի օգտագործումը մինչև օրական երկու բաժակի: