Նիգերիայի Բունուե նահանգում անհայտ հիվանդության բռնկում է գրանցվել: Daily Express պարբերականի փոխանցմամբ՝ հիվանդությունից արդեն 15 մարդ է մահացել, կա 104 վարակակիր:
Տեղի իշխանություններն ընդգծում են, որ դա Չինաստանում մոլեգնող COVID-19 կորոնավիրուսը չէ: Հաղորդվում է, որ անհայտ հիվանդության առաջին դեպքերը Նիգերիայում գրանցվել են դեռ հունվարին: Դրա հիմնական ախտանիշներն են գլխացավը, փորլուծությունը, փսխումը և ստամոքսի այտուցը:
Քանի որ հիվանդությունն առայժմ ախտորոշված չէ, բժիշկները դրա բուժումը դեռ չեն գտել:
Նիգերիայի Սենատը Հիվանդությունների վերահսկման ազգային կենտրոնին կոչ է արել ուշի ուշով հետևել իրավիճակին, փորձել կանխել հիվանդության տարածումը և կարանտինի ենթարկել վարակվածներին:
Տեղեկանում ենք shantnews.am-ից։