ՀՀ կառավարության այսօրվա նիստի ժամանակ գործադիրը որոշել է փոփոխություններ կատարել բժշկասոցիալական կարգում: Նախագիծը, մասնավորապես, վերաբերում է վիրավոր զինվորներին կամ քաղաքացիական անձանց աջակցող միջոցներ տրամադրելուն:
Աշխատանքի և սոցիալական հարցերի նախարար Մեսրոպ Առաքելյանի հիշեցմամբ՝ գործող կարգով աջակցող սարքեր՝ սայլակ, քայլակ ստանալու համար քաղաքացին պետք է ունենար հաշմանդամության խումբ. իսկ կարգը տրամադրվում է բուժումն ավարտելուց հետո: Կատարված փոփոխությամբ՝ հնարավորություն է ստեղծվում տալ անհրաժեշտ սարքերը՝ առանց խմբի տրամադրման գործընթացն ավարտելու:
«Փոփոխությամբ նաև ոչ թե կարիք ունեցող քաղաքացին է գնում-գալիս կառավարություն կամ նախարարություն, նախարարությունն ինքն է գնում, կարիքները գնահատում։ Ժամանակին այս թեմայով քննարկում ենք ունեցել»,-հավելել է ՀՀ վարչապետ Նիկոլ Փաշինյանը:
