Աշխարհի ավելի քան 40 երկրում սկսվել է 5 տարբեր պատվաստանյութերի կիրառմամբ կորոնավիրուսի դեմ բնակչության պատվաստման արշավը։ Ճեպազրույցի ժամանակ նման տվյալներ է ներկայացրել Առողջապահության համաշխարհային կազմակերպության ղեկավարի օգնական Բրյուս Էյլվարդը։
Նշվում է, որ կազմակերպությունն աշխատում է պատվաստման գործընթացի արագացման ուղղությամբ, հատկապես ցածր եկամուտներ ունեցող երկրներում։
«Ինտերֆաքսն» իր հերթին հայտնում է, որ ԵՄ-ում ամերիկյան Moderna ընկերության մշակած պատվաստանյութի առաջին խմբաքանակները ստացել են Բելգիան, Գերմանիան, Նիդերլանդները և Ֆրանսիան։