2019-nCoV կորոնավիրուսով վարակվածների թիվը կարանտինի մեջ գտնվող զբոսանավի վրա ավելացել է ևս 60-ով՝ հասնելով 130-ի: Այդ մասին հայտնում է NHK հեռուստաալիքը՝ հղում անելով Ճապոնիայի առողջապահության նախարարությանը:Զբոսանավում ընդհանուր 3700 մարդ կա, ներառյալ զբոսանավի անձնակազմը և ուղևորները:
Նշվում է, որ 600 մարդ կարիք ունի պրոֆիլակտիկ կամ որևէ այլ հիվանդության համար նախատեսված դեղամիջոցների: Ճապոնական իշխանությունները խոստացել են համապատասխան միջոցներն ուղարկել զբոսանավ:
Հիշեցնենք, որ Diamond Princess-ը հունվարի 20-ին նավարկության էր դուրս եկել ճապոնական Յոկոհամա քաղաքից՝ Կագոսիմա-Հոնկոնգ-Օկինավա երթուղով: Նավը պետք է վերադառնար փետրվարի 4-ին: Բայց Հոնկոնգից 80-ամյա ուղևորի մոտ ի հայտ է եկել թոքաբորբ՝ առաջացած նոր կորոնավիրսուսից:
Ավելի ուշ մի քանի մարդ ևս բողոքել է վատ ինքնազգացողությունից:
