Մի շարք մասնագետներ պնդում են, որ օտար լեզուների իմացությունը օգտակար է ուղեղի աշխատանքի համար։
«Էկոնոմիկայի բարձրագույն դպրոց»-ի հետազոտությունները ցույց են տվել՝ մի քանի օտար լեզուների տիրապետելը դրական է ազդում մարդկային ուղեղի աշխատանքի վրա։ Այս մասին գրում է «РИА Новости»-ն։
Հատկանշական է որ, պոլիգլոտները (հինգ և ավելի լեզուների տիրապետող անձինք) ավելի ուշադիր են և հեշտությամբ են ադապտացվում բազմաֆունկցիոնալ առաջադրանքեր կատարելուն։
Տեսությունն այսպիսին է՝ որքան լավ է մարդը տիրապետում երկրորդ լեզվին, այնքան շատ է օգտվում դրանով առօրյայում։ Հետևաբար ավելի հաճախ է անհրաժեշտություն զգացվում ուշադրությունը կետրոնացնել ոչ միայն մայրենի լեզվի, այլև օտար լեզվի վրա, որի շնորիվ լավանում է ճանաչողական համակարգի աշխատանքը։
Մասնագետները կամավոր ուսանողների շրջանում ստուգել են լեզվի իմացության և ճանաչողական հսկողության աստիճանը։ Վերջիններս որքան լավ էին տիրապետում լեզվին, այնքան արագ էին լուծում թեստի խնդիրները (ուսանողներից պահանջվում էր մաքսիմալ արագ սեղմել կոճակին՝ համապատասխան առաջադրանքի էկրանին երևալուց հետո)։
Աննա Գալուստյան
