Երկուշաբթի օրվանից կորոնավիրուսի դեմ պատվաստվելու համար Մոսկվայում կգրանցեն բանկային և ֆինանսական ոլորտի աշխատակիցներին, բյուջետային, քաղաքային և տարածաշրջանային կառավարման մարմինների աշխատակիցներին: Այս մասին ՏԱՍՍ-ի փոխանցմամբ հայտնել է Մոսկվայի քաղաքապետ Սերգեյ Սոբյանինը:
«Որպեսզի COVID-19-ի դեմ պատվասատանյութը հասանելի դառնա Մոսկվայի բնակիչներին, երկուշաբթի՝ հունվարի 4-ից պատվաստման գրանցումներ բացվում են բանկային և ֆինանսական ոլորտի , բյուջետային, քաղաքային և տարածաշրջանային կառավարման մարմինների աշխատակիցների համար»,- իր բլոգում գրել է Սոբյանինը:
Նա հավելել է, որ պատվաստման համար նախատեսված կենտրոններն աշխատում են շուրջօրյա ռեժիմով, առանց հանգստյան օրերի:
Մոսկվայի իշխանությունները մտադիր են պատվաստել 6-7 մլն մարդու: Մոսկվայի քաղաքապետի խոսքերով, պատվաստումներից հետո Ռուսաստանի մայրաքաղաքի բնակիչները կարող են վերադառնալ բնականոն կյանքի՝ առանց սահմանափումների:
Մոսկվայում կորոնավիրուսի դեմ պատվաստումները սկսվել են դեկտեմբերի 5-ից: Քաղաքում բացվել է պատվաստումների 70 կենտրոն:
