Ամանորի սեղանի ամենակալորիական ուտեստներն են մայոնեզով աղցանները, տապակած կարտոֆիլը, երշիկեղենը, հրուշակեղենը, կոնֆետները, շոկոլադի որոշ տեսակներ, տապակած ուտեստները, քաղցր գազավորված ըմպելիքները, ինչպես նաեւ թունդ ալկոհոլային խմիչքները, մասնավորապես՝ օղին, կոնյակը եւ վիսկին:
«Ավանդական ուտեստները՝ օլիվյեն, ծովատառեխը մուշտակի տակ, միմոզան, այս բոլոր աղցանները խելահեղ բարձր կալորիականություն ունեն: Պետք է նաեւ հիշել, որ ամանորյա սեղանի ամենակալորիական ըմպելիքը հյութն է»,- ասում է դիետոլոգ Ելենա Տիխոմիրովան, հաղորդում է «ՌԻԱ Նովոստին»:
Մասնագետը խորհուրդ է տալիս Ամանորի տոներին որպես ավելի շատ բանջարեղեն ուտելու այլընտրանք, եւ ցանկացած ըմպելիքի, նույնիսկ ոչ ալկոհոլային խմիչքների փոխարեն, խմել հասարակ ջուր:
Բժիշկ-սննդաբան Իննա Պիչուգինան իր հերթին ավելորդ կալորիաների դեմ պայքարելու այլ միջոց է առաջարկել:
«Ավանդական օլիվյեի բաղադրությունը կարելի է փոխարինել այլ օգտակար մթերքներով, օրինակ՝ խաշած կրծքամսով եւ շոգեխաշած բանջարեղենով,- ասել է մասնագետը,- Ավելի հաճախ օգտագործեք մուլտիեփ: Մայոնեզի կալորիականությունը կարելի է իջեցնել` դրան ավելացնելով ոչ քաղցր յոգուրտ կամ 10%-անոց թթվասեր»:
Թերապեւտ Թիմուր Ասանովն իր հերթին պարզաբանել է, որ մայոնեզ ավելացնելուց հետո ցանկացած ուտեստ դառնում է շատ կալորիական:
«Երշիկի արտաքինից անվնաս կտորը, նույնիսկ եթե այն առանց հացի ճաշակեք, կարտոֆիլը, իրենց մեջ պարունակում են կալորիաների տպավորիչ պաշար»,- ասել է նա:
