Ռուսաստանում ԱՄՆ դեսպան Ջոն Սալիվանը հրաժարվել է ռուսական «Սպուտնիկ V» կորոնավիրուսի դեմ պատվաստանյութով պատվաստվելու ՌԴ ԱԳՆ-ի ամանորյա առաջարկից: Այս մասին հաղորդել է դեսպանատան մամուլի քարտուղար Ռեբեկա Ռոսը:
«Դեսպանը ցանկանում է շնորհակալություն հայտնել ՌԴ ԱԳՆ-ին պատվաստանյութն առաջարկելու կապակցությամբ, սակայն չի ցանկանում պատվաստվել Ռուսաստանի քաղաքացիների համար նախատեսված պատվաստանյութով»,- գրել է Ռոսը Twitter-ի իր էջում:
Նա նաև իր ուրախությունն է հայտնել ամերիկայն երկու պատվաստանյութի հաստատման կապակցությամբ, որոնք «օգնում են մարդկանց պայքարել կորոնավիրուսի դեմ ԵՄ-ում, Մեծ Բրիտանիայում, Հարավային Ամերիկայում և ԱՄՆ-ում: