Առողջապահության համաշխարհային կազմակերպությունը և ՄԱԿ-ի մանկական հիմնադրամը՝ ՅՈՒՆԻՍԵՖ-ը հրապարակել են համատեղ զեկույց, որով տեղեկացնում են, որ աշխարահում յուրաքանչյուր չորրորդ բժշկական հիմնարկություն չունի մաքուր ջրի մատակարարման համակարգ, իսկ յուրաքանչյուր 5-րդը՝ պատշաճ սանիտարական ծառայություն։ Զեկույցով կոչ է արել վերանայել ծառայության պայմանները։ Այս մասին հաղորդում է ՏԱՍՍ-ը։
ՅՈՒՆԻՍԵՖ-ի վիճակագրության համաձայն աշխարհում օրական շուրջ 7 հազար ծննդկան է մահանում հակասանիտարական պայմաննների, հատկապես սեպսիսի (արյան վարակ) պատճառով։ Նման վարակների հետևանքով ՏԱՍՍ-ի փոխանցմամբ մահանում է նորածինների 26 և ծննդկանների 11 տոկոսը։ ԱՀԿ-ի ՄԱԿ-ի համատեղ զեկույց-կոչը ուղղված էր ամբողջ աշխարհի բուժհաստատություններին։
