Մեծ Բրիտանիայում արդեն ավելի քան 600 հազար մարդ պատվաստվել է «Pfizer» և «BioNTech» ընկերությունների արտադրած և կիրառման արտոնագիր ստացած պատվաստանյութերով, հաղորդում է RT-ն:
Առաջիկա շաբաթներին և ամիսներին երկրում պատվաստման ծավալները կաճեն այնքանով, որքանով հասանելի կլինեն պատվաստանյութերի նոր չափաբաժինները, իսկ ծրագիրը կընդլայնվի, և տարեցների դեպքում շատ պատվաստումներ կկատարվեն հենց նրանց տներում:
Մեծ Բրիտանիայի առողջապահության նախարարության հաղորդմամբ՝ սկզբնական փուլում պատվաստում են անցել տնային պայմաններում գտնվող 80-անց տարեցները, բուժաշխատողներն ու հասարակական հաստատությունների աշխատակիցները:
Դեկտեմբերի 14-ին Մեծ Բրիտանիայում կորոնավիրուսի նոր հարուցիչ է հայտնաբերվել, որով վարակումն ավելի մեծ տեմպերով է տարածվում։