Եվրահանձնաժողովը հավանություն է տվել շուկայում Pfizer-ի և BioNTech-ի կողմից մշակված նոր տիպի կորոնավիրուսի դեմ պատվաստանյութի օգտագործմանը, հաղորդել է հանձնաժողովի ղեկավար Ուրսուլա ֆոն դեր Լյայենը Twitter-ի իր էջում:
«Այսօր մենք կարևոր գլուխ ենք ավելացնում Եվրոպայի հաջողության պատմությանը՝ եվրոպացիների համար հասանելի դարձնելով COVID-19-ի դեմ առաջին պատվաստանյութը»,- գրել է ֆոն դեր Լյայենը:
Հանձնաժողովի ղեկավարի խոսքով, պատրաստուկը հավասար պայմաններով հասանելի կլինի ԵՄ բոլոր երկրներին:
Ավելի վաղ հաղորդվել էր, որ Դեղամիջոցների եվրոպական գործակալությունը (EMA) Pfizer-ի և BioNTech-ի պատվաստանյութին գրանցման ժամանակավոր վկայագիր է տվել: