Գլխավոր էջ Նորություններ Սննդի ճաշարանները կսպասեին, իսկ հակա-ԱԹՍ համակարգերը չսպասեցին․ Հայկ Բալանյան

Սննդի ճաշարանները կսպասեին, իսկ հակա-ԱԹՍ համակարգերը չսպասեցին․ Հայկ Բալանյան

92
0

Հայկ Բալանյանը ֆեյսբուքյան իր էջում գրում է.

«Այլընտրանքը այն էր, որ դիմեի ժողովրդին, ասեի՝ ժողովուրդ ջան, իրավիճակը էսպիսին է, կամ պիտի հանձնենք 7 շրջանները, առանց Ղարաբաղի կարգավիճակի, կամ պատերազմ է: //

Փաստորեն ժողովուրդն է մեղավոր… որ չեք դիմել:

Իսկ փորձել ե՞ք խոսալ, բացատրել, դնել քննարկման, ի վերջո հանրաքվեի, ինչպես խոսատացել էի՞ք:

Կամ, քաղաքական ուժերը շատ լավ իրավիճակը կհասկանաին: ՀՀԿ Սերժ Սարգսյանով ու Ռոբերտո Քոչարյանով, ՀԱԿ-Լևոն Տեր-Պեպրոսյանով, տո ԲՀԿ իր ռուսական կապերով, ՔՈ, բոլորն էլ զգալի մասով տեղյակ էին ու կհասկանաին: Չկար մարդ, որ պահի լրջությունը չհասկանար և բազմաթիվ մարդիկ այդ պատասխանատվությունը կարաին կիսել: Առնվազն չէին դիմադրի, բայց հետո կիշխանազրկեին:

Դա չէիք ուզում…

Ստորագրողը միևնույն է իշխանությունը կորցնելու է: Դա անկասկած է ու ոչինչ ըտեղ անել չես կարող: Խաղի կանոնն է այդպիսին: Պիտի ստրագրվեր ու հրաժարական տրվեր:

Այ դրանից վախեցաք:

Բայց գոնե այս կատաստրոֆան չէր լինի: Ընդ որում Հայաստանի պետականության մասին է արդեն խոսքը, ոչ միայն ու ոչ այնքան Արցախի:

Բա ինչու վերևում թվարկածը չարեցի՞ք:

Մարդիկ ի՞նչ պետք է ասեին. պիտի ասեին՝ ոչ, մենք կկանգնենք եւ կկռվենք հանուն մեր հայրենիքի: //

Մարդկանց ճշմարտություն էր պետք ասել, դեբիլ չեն:

Եթե մարդկանց տարիներով խաբում են, ասելով որ «ամենամարտունակ» բանակը ունենք, ապա այլ բան ակընկալելը անիմաստ է:

Պետք էր բացատրել ու եթե պետք է՝ զոհաբերել սեփական իմիջը, կյանքը ու պաշտոնը, բայց գնալ ծանր որոշման, եթե վստահ էիք, որ հաղթել չեք կարող: Պատասխանատու առաջնորդի պարտքն է իր վրա վերցնել բեռը ու առաջին հերթին ամբողջ ճշմարտությունը բացահայտելու բեռը:

//Հիմա պարզվեց՝ վատ ենք պատրաստվել: Բայց ինչի՞ն ենք վատ պատրաստվել: Հուլիսյան մարտերը ցույց տվեցին, որ Ադրբեջանի դեմ պայքարելուն առնվազն վատ չենք պատրաստվել: Բայց Թուրքիա, վարձկաններ՝ սա ուրիշ պատմություն է, որի մասին դեռ կխոսվի://

Նույնիսկ 2016թ. մակարդակի համար էինք վատ պատրաստվել: Պարզ էր, չէ, որ մի քանի տասնյակ ԱԹՍ դառնալու է հարյուրներ ու հազարներ, ու ամբողջը Բաքվի փողով, առանց Թուրքիայի:

Դժվա՞ր էր կանխատեսել, որ թուրքական Բեյրաքթարները ի վերջո գալու են Ադրբեջան:

Ուրեմն ՊՆ ծախսերը պիտի ի հաշիվ բյուջեի այլ ծախսերի կրկնապատկվեին սկսած 2018թ-ից, առնվեր այն ինչ պետք է, ոչ թե այն ինչի մեջ կարելի սիրուն նստել ու սելֆի անել:

Սննդի ճաշարանները կսպասեին, իսկ հակա-ԱԹՍ համակարգերը չսպասեցին: Ինչպես նաև բազմաթիվ այլ բաներ:

Մեր ՌԷՊ մնաց ձեռնունայն, առաջին հարվածը 1941թ. հունիսի 22 դառավ, այնքան կործանարար էր: Այսինք, սպասելիք հարվածը իր բնույթով ու ծավալով չէր պատկերացվում:

Մնացած բազմաթիվ ի հայտ եկած թերությունները:

2018-19թթ. պատերազմին չէիք հավատում, իսկ 2020թ. հաշվված ամիսներին արդեն ուշ էր:

Բա դրա պատասխանատուն ո՞վ է:

Ոչ պատերազմին պատրաստ եղանք, ոչ պայմանագրին:

Լավ, ինչու այդքան խոսալուց հետո Արցախի անկախությունը չճանաչեցիք, որ հիմա օդի ու ջրի նման մեզ կօգներ:

Ճանաչում ու միացման գործընթացի սկիզբ միաժամանակ:

Ո՞նց կարելի էր արևմտյան բաղադրատոմսով կարգավորվող սեցեսիա անել, բայց պահպանելով ռուսական խաղի կանոնները ու չճանաչելով Արցախը: էդ ինչ շիզոֆրենիա սարքեցի՞ք դիվանագիտությունը:

Թե էլի կան բաներ որ դեռ ասված չի՞:

Իսկ ազգային միասնության հաստատման մի ձև կա: Ձեր նախկին ու հուսալի ընկերներից մեկին կամ մի քանիսին, որոնց լավ մոռացել եք ու չեք լսել՝ հանձնեք իշխանությունը ու գնացեք:

Ուրիշ տարբերակ այլևս չկա»:

Թողեք մեկնաբանություն

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ