Ուկրաինան հաստատել է երկրում կորոնավիրուսով վարակման առաջին դեպքը: Այս մասին հայտնում է Strana.ua-ն` վկայակոչելով Կիևի քաղաքային լաբորատորիայի ուսումնասիրությունը: Դեպքը գրանցվել է Կիևում:
Ներկայումս վարակվածների ընդհանուր թիվը գերազանցում է 2700-ը, որոնցից 80-ը մահացել է:
Նշենք, որ 2019թ. դեկտեմբերի 31-ին Չինաստանի իշխանությունները հայտնել են Ուհանում անհայտ թոքաբորբի բռնկման մասին, իսկ արդեն հունվարին տեղեկություն տարածվեց, որ նոր տեսակի հիվանդությունը կորոնավիրուսն է:
Վարակման դեպքեր են գրանցվել Չինաստանում, Հոնկոնգում, Մակաոյում, Թայվանում, Թաիլանդում, Ճապոնիայում, Հարավային Կորեայում, ԱՄՆ-ում, Կանադայում, Վիետնամում, Սինգապուրում, Նեպալում, Ֆրանսիայում, Ավստրալիայում և Մալայզիայում: