« «Սրա- նրա» խոսքը հարձակում համարելը, տարբեր ուղղություններով մարդկանց (առողջ քննադատությունը) ճնշելը և մեր սիրելի վարչապետի աչքերին «թոզ փչելը» լավ կառավարում չեմ համարում:
Սխալ է առհասարակ ծննդատուն փակելը, առավել ևս սահմանամերձ մարզում: Մենք պատերազմող երկիր ենք և չգիտենք վաղը ինչ է լինելու: Կրակոցների (երբ սահմանամերձ գյուղը կրակի տակ է) ժամանակ գյուղից ծննդկանին քաղաք հասցնելը հեշտ չէ: Երևի գոնե 1 օր նման իրավիճակի ժամանակ մեր չստացված նախարարին պետք է ուղարկել գյուղ ապրելու` իր վրա զգալու համար սահմանամերձ համայնքում ապրողի հոգեվիճակը:
Ինչ վերաբերվում է ոչ սահմանամերձ համայնքներին, ապա պետք է մտածել գումարի խնդիր ունեցող մարդկանց մասին ևս: Չեմ կարծում, որ ծննդաբերությունը անվճար լինելը միայն բավական է: Իսկ ծննդկանին ծննդատուն հասցնելը գումար չէ՞: Իսկ այդ ծննդկանի հետևից հիվանդանոց գնալը գումար չէ՞:
Իսկ մի՞գուցե վարչապետի մեջքի հետևում սերժական քաղաքականություն են վարում, արհեստական խոչընդոտներ ստեղծելու միջոցով մարդկանց Հայաստանից տարհանելու նպատակով:
Չի կարելի առողջապահությունը քաղաքականացնել կամ որպես շահավետ բիզնես դիտարկել: Ծննդատուն փակելը նույնն է, ինչ-որ ասել թե զինվորի ծառայությունը փող չի բերում , բանակ պահելը ծախսատար է, մի 2 պոստ փակեք»:
Գրառումը՝ Արևիկ Ասլանյանի ֆեյսբուքյան էջից։